Гіт-параду “Тузін гітоў” спаўняецца шэсьць гадоў. Увесь гэты час на “Тузіне” практычна безупынна праходзіла галасаваньне за самыя актуальныя беларускія песьні – у дадзены момант ідзе ўжо 122-ы тур гіт-параду. 24 сьнежня West Records выдала чарговую складанку “Тузін гітоў”, дзе сабраныя пераможцы гіт-парадаў за музычны сэзон 2009 году. “Тузін гітоў” цяпер – гэта блізу 80 000 запамповак кампазіцый штомесяц і паўсотні тысячаў наведвальнікаў, радыёвэрсыя гіт-параду на хвалях “Радыя Рацыя”, і, у цэлым, сапраўднае сьвята якаснай беларускай музыкі. » Read more: Тузін Гітоў 2009: паўтузіна год 
Posts Tagged ‘Тузін Гітоў’
Тузін Гітоў 2009: паўтузіна год :)
Снежань 30th, 2009Пабачыў сьвет CD праекту «Тузін. Перазагрузка»
Снежань 22nd, 2009
Выйшла доўгачаканая складанка праекту «Тузін. Перазагрузка» інтэрнэт-парталу «Тузін Гітоў» і грамадзкай ініцыятывы «Будзьма беларусамі». Дыск складаецца з 12 песень беларускіх, але небеларускамоўных выканаўцаў, якія перасьпявалі свае гіты па-беларуску. Сярод іх — Atlantica, Tanin Jazz, Da Vinci, Дакота, Юры Дземідовіч.
Праца над праектам распачалася ўвесну гэтага году пасьля таго, як сваю згоду перазагрузіцца ў беларускі сьвет далі 12 выканаўцаў — зорак беларускай поп- і альтэрнатыўнай сцэны. Некалькі месяцаў выканаўцы працавалі над беларускімі варыянтамі сваіх песень разам зь вядучымі беларускімі перакладчыкамі. » Read more: Пабачыў сьвет CD праекту «Тузін. Перазагрузка»
Дасьледваньне: 40% беларусаў ня ведаюць ніводнага беларускага выканаўцы
Снежань 21st, 2009
Cацыялягічная лабараторыя «Новак» і беларускі інстытут стратэгічных дасьледаваньняў правялі дасьледваньне, дзе сярод іншага закраналася пытаньне абазнанасьці беларусаў адносна прадстаўнікоў сучаснага айчыннага шоў-бізу. Звыш тысячы беларусаў рознага ўзросту і сацыяльнага становішча па ўсёй краіне задалі пытаньні адносна іх улюбёных музыкантаў зь Беларусі. «У лідэрах беларускія ансамблі савецкіх часоў, статус беларускамоўных выканаўцаў — маргінальны», — такую выснову зрабіў дырэктар BISS Віталь Сіліцкі. » Read more: Дасьледваньне: 40% беларусаў ня ведаюць ніводнага беларускага выканаўцы
